Alichoandika Maulid Kitenge baada ya kuacha kazi ITV/RadioOne

Maulid Kitenge yuko kwenye orodha ya Watangazaji wa muda mrefu wa michezo nchini Tanzania ambapo ujazo wa jina lake uliongezeka baada ya kuanza kufanya kazi na ITV/RadioOne zaidi ya miaka 10 iliyopita.
August 18 2014 Maulid aliandika yafuatayo kwenye page yake ya twitter >>> ‘Namshukuru sana Mungu leo nimemaliza miaka 14 ya kutumika kuwa kama mtangazaji wa michezo Radio one stereo na hakika naondoka rasmi‘
Mpaka asubuhi ya August 19 2014 Maulid alikua hajaandika tweet nyingine ya anakokwenda au atakachofanya baada ya kuondoka ITV/RadioOne

Soma alichoandika Masanja Mkandamizaji kuhusu uhusiano wa Wema na Diamond

Masanja mkandamizaji mchekeshaji kutoka kundi la Komedi Orijino kupitia ukurasa wake wa instagram ameandika mawazo yake juu ya uhusiano wa Wema Sepetu na Diamond.
Hiki ndicho alichoandika,”Hili swala la diamond na wema nadhani mungu amemuhurumia mmoja wapo kati ya hao wawili. Kama wangekuwa watu wa kuoana wangesha oana uchumba gani mrefu kama wanasomea udokta????
Rafiki yangu nasib, kama kweli mlipendana kwa dhati hizo kasoro zinarekebishika, maana hakuna mwanadamu aliye sahihi kwan hata ww nasib unamapungufu yako. Na wewe dada yangu wema lazima ujue mme ndio kichwa cha nyumba kwa maelezo hayo inaonyesha haumsikilizagi mwenzio omba msamaha tenaaa na tena na ukubali kubadilika.
Mi sipendi mkiwa mnaongozana wote kwenye ma show ya usiku mme kafanye kazi mke abaki home ukirudi mwili umepoa hata ujauzito unaingiaa!! Sasa woote stejini mkirudi miili ya moto si mtazaa popompoo jamaniii!! Nitafurahi kusikia tofauti zenu mmezimaliza kwa amani ili mashabiki wenu wasijisikie vibaya

Alikiba: Nawaomba watu Wasinikosanishe na Diamond, Sina Ugomvi Naye

Alikiba anataka watu wafahamu kuwa hana na tatizo na Diamond Platnumz na amewataka watu waache kuwakosanisha.

Akizungumza na Bongo5 leo, AliKiba amewataka watu kuachana na tabia ya kuwagombanisha Diamond ili wafanye muziki mzuri.

“Kila mtu anaandika anachotaka juu ya mimi na Diamond, mpaka wengine wanatumia akaunti fake za Facebook kutukosanisha, ndio maana nikasema kuna wengine wanafanya for fun na wengine wanafanya ili kutukosanisha wengine wanafanya lakini hawajui wanachofanya,” amesema Alikiba.


“Mimi najaribu kuwaomba wadau mbalimbali waache hiyo tabia ya kutukosanisha kwa sababu mimi sina ugomvi na Diamond na wala sina mambo hayo. Ninachowataka waendelee kusupport kazi zetu ili mambo yaende vizuri kwa sababu sisi ndo wasanii wao tunaoiwakilisha Tanzania. Wanapotupa moyo wao sisi tunazidi kukaza buti ili tufike mbali zaidi. Watu wanaotengeneza ugomvi wangu na Diamond waache cha zaidi wafanye kusupport muziki na watuambie ni mapungufu gani ambayo yamepungua ili tujirekebishe,” ameongeza.

Katika hatua nyingine, Alikiba amezungumzia mapokezi ya wimbo Mwana na Kimasomaso pamoja na ujio wa video zake.

Diamond Platinumz

“Kwanza watu wamenipokea vizuri sana kama nilivyokuwa nikitarajia, imeonyesha ni jinsi gani yale malalamiko ya maana walikuwa wakilalamika kwamba nimekumiss na nilivyotoa nyimbo watu wanasikiliza na kuinjoy na nyimbo zenyewe zimekuja wakati mzuri na zenye maadili mazuri ya kuelimisha na kuchezeka na ya kufurahisha. Maandalizi ya video yapo tayari na booking ipo tayari vilevile, maandalizi nimeandaa hata kabla sijatoa nyimbo, video itafanyika nje na moja ni hapa siwezi sema ni nchi gani bado ni mapema nitasema baadae nikishaitoa, kwasababu nimetoa track mbili moja itafanyika hapa na nyingine itafanyika nje.”

Kakakuona aonekana Dar

Kakakuona



WAKAZI wa eneo la Sensera Pub, Mbezi Juu jijini Dar es Salaam wamefurika kumuona mnyama aina ya kakakuona ambaye alijitokeza juzi usiku.


Taarifa za kujitokeza kwa mnyama huyo zilisambaa hadi chumba cha habari cha gazeti hili ambalo lilifika eneo hilo na kushuhudia umati wa watu ukiwa nje ya nyumba ya Martha Boniface ambaye alikuwa amemfungia kwenye moja ya vyumba vyake vya biashara.


Martha ambaye alikuwa mtu wa kwanza kumuona mnyama huyo ambaye ni aghalabu kuonekana, akitumika kama mtabiri wa mambo makubwa yanayoweza kutokea katika taifa, alisema alikiona kiumbe hicho juzi saa tano usiku kikiwa kinapita kwa mwendo wa taratibu.


“Tulikuwa tumekaa na wenzangu kama watano hapa nje jana (juzi) usiku, mara mmoja wetu akasimama akasema jamani mdudu huyo, niliponyanyuka nikamuona kakakuona anatembea anakuja tulipokaa, tulimpisha akasimama, badae akajikunja, tukamnyanyua na kumuingiza kwenye boksi kumuhifadhi,” alisema Martha.


Alisema baada ya kumuingiza kwenye boksi, walimpeleka ndani ya chumba cha ‘stationary’ na baadae ndani ya boksi ili aweze kuzunguka.
“Usiku ule ule nilichukua maji, kisu, unga na fedha shilingi 10,000 nikamuwekea vyote kwa pamoja, maji alikunywa yote, na unga alikula wote, fedha aliisogelea akainusa, lakini kisu alikipita akakiruka, hakukigusa wala kukinusa,” alisema Martha.


Akielezea sababu ya kumfungia ndani ya chumba hicho, Martha alisema alilazimika kuchukua hatua hiyo ili asiondoke.


“Na usiku ule ule kabla sijafunga nikamtandikia kiroba ili asipate baridi la sakafu, lakini asubuhi nilimkuta kalala chini,” alisema Martha.


Kulingana na imani zilizopo nchini, kitendo cha mnyama huyo kula na kugusa vitu hivyo vitatu kati ya vinne, baadhi wanatafsiri kuwa ni ishara ya nchi kuwa na amani, mavuno mazuri na mvua za kutosha.


Kwa upande wake, Martha anachukulia kitendo cha kumuona kakakuona kinatoa tafsiri ya neema na bahati ambayo ameshushiwa na Mungu kwani kiumbe huyo huonekana mara chache.


MTANZANIA Jumapili lilishuhudia baadhi ya wananchi waliofika katika eneo hilo kwa nia ya kukishuhudia kiumbe hicho wakishikwa na mshangao wakati Martha akijaribu kukibembeleza kijikunjue katika gamba lake analolitumia kujificha ili kiweze kuonekana vizuri.


“Mgeni naomba uamke uwasalimie wenyeji wako wamekuja kukuona, tunajua umekuja kwa nia nzuri, umetuletea baraka, lakini watu wanatamani kukuona, naomba ujifungue ili uwasalimie wenyeji wako,” alisikika akisema Martha wakati akijitahidi kukifanya kiumbe hicho kijikunjue.


Baada ya muda kakakuona alianza kufungua miguu yake yote na kisha mkia, na baadae akaanza kutembea akizunguka huku na huko ndani ya chumba hicho.


Aidha mmoja wa jirani wa eneo hilo, Syntyche Sanya, alisema kwa mara ya kwanza alimuona kakakuona katika eneo hilo Jumatano asubuhi wakati anaenda kazini.


“Mimi nilimuona saa 11 alfajiri wakati naenda kazini, kwa sababu nilikuwa simjui sikumfuatilia kabisa, nikajua ni mnyama wa kawaida,” alisema Sanya.
Mume wa Martha, Boniface Machera, alisema amefurahishwa na ujio wa myama huo mtaani kwao, lakini kutokana na umuhimu wake, waliamua kumuhifadhi hadi watendaji kutoka Wizara ya Maliasili na Utalii watakapokuja.


“Tumemuhifadhi kwa sababu akiondoka kuna mawili, anaweza akapotea au watu wakamkamata na kumtoa magamba,” alisema Machera.
Aidha baadhi ya vijana waliofika kumuona kakakuona, walitumia tukio hilo kufanya utani.


Mmoja wa vijana hao alisikika akisema: “Tumemuwekea bendera mbili, ya CCM na Chadema, lakini akaenda kuegemea ya Chadema,” alisema huku wenzake wakiangua kicheko.


Hata hivyo, alipoulizwa Boniface kuhusu taarifa hizo, alicheka na kusema kuwa walikuwa wanatania tu na hakuna bendera yoyote iliyowekwa.

Mara ya mwisho mnyama huyo alionekana jijini Dar es Salaam Julai mwaka jana katika eneo la Buza na mwaka huu ni mara ya kwanza kujitokeza.


Alionekana pia Oktoba mwaka 2010 katika eneo la Bunju ambako wananchi walimuwekea nafaka, silaha za jadi, maji na vitu vingine, lakini alienda kuegemea panga akiashiria hatari.

EXLUSIVE SEXY PHOTOS ZA MAUNDA ZORRO!!!! -U MUST SEE THESE!!!

Umeaona machooo....Neno moja kwake!!!

Nyani Aliyejipiga Picha Azua Mgogoro

Mtandao wa Wikipidia umekataa kufuta picha ambayo Nyani ilijipiga ikisema kuwa kwa sababu picha hiyo ilipigwa na Nyani ambaye ni mnyama wala sio binadamu, basi inakuwa mali ya umma.
Hii ni baada ya mpiga picha, mmiliki wa kamera iliyotumika na Nyani huyo kujipiga picha, kusihi Wikipedia kufuta picha hiyo na kudai kuwa Wikipedia ilikuwa inaingilia haki zake za umiliki wa picha hiyo.
Mpiga picha, David Slater, alikuwa akijaribu kunasa picha za Nyani kwa masaa kadhaa, wakati ambapo Nyani mmoja alichukua mojawapo ya kamera za David na kujipiga mamia ya picha.
Picha hiyo aliyojipiga Nyani bila shaka ni ya kusisimua na imempeleka David kuwa maarufu ulimwengu mzima.

La kusikitisha ni kuwa hatimaye Slater sasa amejipata katika mvutano wa kisheria na Wikimedia kuhusiana na ni nani hasa mmiliki wa picha hiyo.
David, ambaye hutegemea upiga picha kama jinsi moja ya kujikimu kimaisha, yuko makini kuhakikisha picha hiyo imeondolewa kwa tovuti ya Wikipedia mara moja, huku Wikipedia ikidai kuwa iwapo kuna mmliki wa picha hiyo basi ni Nyani aliyejipiga picha hiyo.
Mvutano wa kisheria ilirejelewa kuangaziwa kufuatia uamuzi wa Wikipedia kuchapisha maombi yote iliyopata kuhusu kufuta au kuhariri habari au picha au video zozote ilizoweka kwenye tovuti zao.
Mojawapo ya maombi hayo ni David Slater kutaka picha aliyojipiga Nyani kuondolewa kwenye tovuti ya Wikipedia mara moja kwani ikiwa kwenye tovuti hiyo iko wazi kwa umma.

Manyaunyau amuingiza Mjini Mteja wake…Shahidi Aelezea Jinsi Walivyotapeliwa Sh 29.6 Mil na Mganga Huyo

Dar es Salaam,

Shahidi wa pili katika kesi ya kujipatia Sh29.6 milioni kwa njia ya udanganyifu inayomkabili mganga wa jadi, Dunia Salumu (37) ‘Manyaunyau’ amedai kuwa walilazimika kuuza kiwanja na nyumba ya urithi kutafuta fedha za kununua mabeberu saba na mafuta ya ngamia ili kumpa mganga huyo kama masharti ya kumfufua ndugu yao aliyefariki dunia.

Manyaunyau alifikishwa kwa mara ya kwanza katika Mahakama ya Wilaya ya Ilala, Desemba mwaka 2013 akikabiliwa na shtaka la kujipatia fedha hizo kutoka kwa Tecla Modest.

Akiongozwa na Mwendesha Mashtaka, Nassoro Katuda shahidi huyo, Diana Steven (26) alidai kuwa baada ya kumaliza matanga ya mjomba wake, Saimon Modest aliyefariki mwaka 2008, wakiwa nyumbani Mchikichini, Dar es Salaam walisikia sauti ya mtu ikisema kuwa ‘mimi sijafa’.

Wakati Diana akiendelea kutoa ushahidi huo mrefu, Hakimu Wilberforce Luhwago, alimkatisha akieleza kuwa ameisikiliza kesi hiyo kwa muda mrefu na kuna nyingine za kusikiliza, hivyo itaendelea Agosti 13, mwaka huu.

Ushahidi wenyewe

Alisema siku tatu baada ya mazishi ya mjomba wake, ndugu yao aitwaye Hamisi akiwa na Manyaunyau walifika nyumbani kutoa pole na walipofika Manyaunyau alidai kuwa marehemu hajafa, bali ameuawa na kaka yake na amechukuliwa na Mpemba kwa ajili ya kwenda kuuza duka.

“Mimi na mama zangu wawili tulishtushwa na kuhoji, mtu aliyekufa anaweza akawa hai?” alisema Diana katika ushahidi wake uliochukua saa nane.

“Baada ya hapo alituambia siku iliyofuata twende ofisini kwake (Manyaunyau), Mburahati, tukiwa na Sh100,000. Mama zangu walisema hawana, lakini ndugu yetu mmoja aitwaye Bright Steven alikwenda kwenye ATM na kuchukua Sh80,000 na safari ikafanikiwa,” alidai.

Diana alisema baada ya kupeleka fedha hizo, Manyaunyau aliwapangia kwenda siku nyingine, akiwataka kurudi wakiwa na kitambaa cheusi na walipokipeleka alisema alikichukua na kukifunika kikaanza kutoa sauti ya mtu mzima ikisema: “Karibuni sana wajukuu zangu na maelezo yote mtapewa na mwenyeji wenu.”

Alisema Manyaunyau pia aliwataka wapeleke chupa sita za mafuta ya ngamia wakiyakosa wampelekee Sh1.8 milioni. Alisema walimpelekea fedha hizo walizozipata kwa kuuza sehemu ya kiwanja walichorithi kwa mama yao.

“Siku tuliyopeleka hiyo hela pia tulipeleka mtama, jogoo mwekundu na tulipelekwa katika pori lililopo Kibamba na kila tulipokuwa tukienda kule Kibamba tulikuwa tunakodi teksi kwa Sh40,000,” alidai Diana.

Alidai kuwa kabla ya kufika katika pori hilo, Manyaunyau aliwaagizia soda wakanywa na baada ya kumaliza aliwaambia wapige makofi huku wakisema hodi hodi mkubwa!

“Tuliingia katika pori hilo saa 2: 00 usiku, tukaona mwanga kama radi imepiga na tukaona kitu cheupe kama mtu kafunikwa sanda… ile tuliyoipeleka kwa Manyaunyau siku chache kabla ya kwenda katika pori hilo.

“Alituambia mtu wenu ndiyo huyo ila msimfunue kwa sababu ni mchafu, akasema inatakiwa hela ya kununua mafungu mawili ya dawa ya kumsafishia.

Sisi hatukuelewa, ndipo alipotuambia siku iliyofuata twende ofisini kwake atufafanulie. Tulipofika alituambia anataka mbuzi saba madume na Sh2 milioni na kwenda naye tena Kibamba.

“Tukiwa porini hapo tulisikia sauti ya babu ikisema marehemu wenu ameshikiliwa na wachawi, wanataka damu ya mbuzi saba, hivyo tulirudi nyumbani na kwenda kuuza tena kiwanja kilekile kwa mtu mwingine na kupata Sh4.9 milioni na kuzipeleka kwa Manyaunyau kununulia mbuzi hao,” shahidi alidai na kuongeza kuwa ‘babu’ alizidi kuongeza madai, mara hii akisema anataka nguo, mkeka na chakula nyumbani kwa Manyaunyau.

“Baada ya kauli ya babu, tulipeleka chakula kwa Manyaunyau na hapo alituambia tujiandae kwa safari ya Majohe na huko tulikwenda mimi na mama zangu wawili na mke wa Manyaunyau na tulipofika tuliongea tena na ‘babu’ na kutuambia tutafute Sh2 milioni nyingine kwa ajili ya kumkomboa ndugu yetu.”

Waliporudi kutoka Majohe, alidai kuwa walikwenda kukopa kwa riba na Manyaunyau alisema fedha hizo wazifunge katika kitambaa cheusi na kuziweka katika ndoo na kuzipeleka katika Msitu wa Majohe.

 “Tulipofika Majohe tulipiga makofi na kuziweka zile pesa na siku iliyofuata Manyaunyau alituambia tutoe Sh3.5 milioni kwa ajili ya kukanyagia na sisi tulizipelekea hukohuko Majohe.”

Alidai kuwa siku iliyofuata walikwenda ofisini kwa Manyaunyau na kuambiwa kuwa wapeleke chakula nyumbani kwake baada ya hapo waende kumwangalia mchawi aliyemchukua ndugu yao huko Kibamba eneo la makaburi.

“Tulipofika eneo hilo la makaburi alitokea mtu mrefu sana akiwa ameshikilia mkia na akapiga magoti na hapo hapo alitokea tena mtu mnene na kusema hamuwezi kumuona ndugu yenu kwa sasa.”

Diana alidai kuwa baada ya kuambiwa hivyo, ilisikika sauti ya ‘babu’ ikisema watafute Sh5 milioni nyingine.

“Tulivyosikia hiyo sauti ya ‘babu’ akisema tutafute ndugu zangu walisema hawana hiyo hela na sauti ya babu iliendelea kusema kuwa nyie leteni tu hiyo hela marehemu akija atailipa,” alieleza.

Tupe maoni yako hapo Chini..!!